شعرالأستاذ/ محمود القطوعي..ياشبشب الحمام..

 شعرالأستاذ/ محمود القطوعي..

ياشبشب الحمام..

م الأرض ليه لمام..

وشك ف وش الأرض..

شايل حمول ..خدام..

تفتح طريق وتعدي ..

ف النور ماشي لقدام..

شايف كتير أحوال..

مسكين امتى تنام ؟!! ..

شايفةوسامع ياما ..

ومين ف غلبك دام ..

لوبس يوم تتكلم ..

تكشف خطط وسلام..

في كل وقت جاهز ..

من غير حديت وكلام..

تحضن ف ياما رجول..

والسر فيك أيام ..

م العمر معاك بتعدي..

شاهده وليها علام ..

يرموك قديم خربان..

خدوا الفايده ولادام..

ولا دام عمرك ولا كان..

وادوا لك الأوهام..

ورموك مع الكراكيب..

تاية ف وسط زحام..

ياشبشب الحمام..

عرض الرؤى

معدل وصول المنشور: ٩

كل التفاعلات:

١ارق ملاك