أيام الزمن الجميل
شعر/سعيد الشبراوي
باللغة العامية
تم كتابتها فى 18/1/2024
خلاص كبرت وشبت.......... يامايا
مرسومة
راح الشباب وبعتلىنا بداله الشيب
ومعاه رسالة مفهومة ...ومعلومة
إحنا إلى كانت رجلينا ...بتدب ع
الأرض دب
إحنا إلى كان لينا قلب ياما طب
وحب
إحنا إلى باقيين من روائح الزمن
الجميل
إحنا إلى كل قلب كان يحبنا ويميل
ويميل
إحنا إلى ماشينا و ...صاحبنا زمانا
إحنا إلى بيحلفوا ..... الناس بأيامنا
إحنا الورود ولو جفت تلقى ريحتها
لساها فيها
إحنا إلى شلنا الناس...... جوا عينينا
إحنا زمن الإحترام و الهيبة والوقار
إحنا زمن الحب إلى ..ملوش أسعار
إحنا الشياكة واللباقة وكل الأناقة
إحنا الشباب والصحة ......واللياقة
بتعيبوا على إلى..... زينا وأيامنا
طب ياريتكوا ..........عشتوا زمانا
إحنا إلى زمنا زمن كل شيء جميل
إحنا إلى كان غلطنا.... هين وقليل
إحنا إلى نقدر تعب كل.... أب وأم
وليك أب تانى هو....... الخال والعم
إحنا إلى نقدر قيمة. .....الاخ الكبير
إحنا إلى نعطف عل....... كل صغير
لابنكدب ولا بنلف........ ... ولا ندور
وكل همنا يكون صاحبنا..... مسرور
إحنا الزمن إلى ولى.. ومش راجع
تانى
وإن حنيت إليه..... متقولوش على
أنانى
ليست هناك تعليقات:
إرسال تعليق