بحر كبير

 بحر كبير

جماله وهم من الأساطير

على عرش قلبي ده متربّع

هيمانه بيه الروح والعين

بغرامه قلبي انا متشبّع

ده ف كل حاجة بيبقى تقيل

ييجي عند مني ويتسربع

لو حس بيا بربع الكيل

بحس بيه لأربع تربع

دُقت المرار وسقاني الويل

ويوماتي بشرب وبأربع

دايما ف وعده بيبقى بخيل

ومعاه بكون عتره ومجدع

لو كان معادنا يوم الاتنين

بلاقيه يجيني يوم الأربع

اوصفله حالى وسهر الليل

يقول كفايه دانا مصدَّع

اشواقي مطره تفيض وتسيل

والشوق ف قلبه ده بيندَّع

طولت بالي عليها كتير

يمكن بطبعي انا تطبّع

فاض بيا منه وطفح الكيل

والروح خلاص كده بتودع

اتاريه غرامه ده بحر كبير

في عذاب يصب مالوش منبع

بقلمي/ خالد جمال ١٧/١/٢٠٢٤

عرض الرؤى

معدل وصول المنشور: ٤٤

كل التفاعلات:

٣أنت، وفهدالصحراء الجرئ وشخص آخر