قاعد ع القهوة (شباب اليومين دول) قاعد ع القهوة مع صحابي نلعب وبنضحك

 قاعد ع القهوة

(شباب اليومين دول)

قاعد ع القهوة مع صحابي

نلعب وبنضحك

ونهرج

دايماً نقضيها بلايستشن

وساعات ع الماتش بنتفرج

نفضل نتراسل في الباقي

ونبعت فويس وماسدجات

وساعات الوقت بيسرقنا

علشان بنكلم ياما بنااااات

بصراحة وبكل امانة

كلامنا كله

بيكون هايف

الشلة كلها سهرانة

وماحدش منا بيكون خايف

اكمنه اتأخر علي أهله

ناسين الام السهرانة

والاب بيحرق في سجايره

والبهوات قاعدين للصبح

يلعبوا طاولة وبيتسايروا

وأما بيرجعوا علي وش الفجر

مش عايزين حد يكلمهم

قالبين سحنتهم وكلامهم

جارح ومافيش حد هاممهم

ولا شايفين ام شايلة الهم

ولا أب النوم خاصم عينه

وألشاب صحابه عنده أهم

وصحابه تملي

بايعينه

والام بتبكي علي حالها

وتعاني من طبعه القاسي

والاب بيسمع شكوتها

وتقوله بيجرح أحساسي

ويصلوا الفجر ويدعوله

يمكن تتصلح أحواله

والباشا راجع ومكشر

ولا حدش منهم علي باله

وتجيله الرنة يرد قوام

البنت بتاعته بتستناه

ويشغل وقته بأي كلام

وكأن ماحدش شَد معاه

وأمه الغلبانة اللي بتتخَض

وبتفضل طول الليل خايفة

يرفض حتي عليها يرد

ويقضي اليوم مع ناس هايفة

وابوه اللي الخوف هده

مش عايز يعلن عن غضبه

علشان الواد شايف نفسه

وتملي يقل كمان أدبه

شاعر جنوب

شرف الدين فاروق أحمد

كل التفاعلات:

٢٢