وعشان حبك __________

 وعشان حبك

__________

كل ساعاتى ف عيونها

وهمسة حب كات منها

تقول كلمه واكملها

وتصبح شعر وغناوى

ما انا غاوى

أقول الشعر ف عينيها

ولمسة حلوه بايديها

تلملم شوقى انا ليها

يكون غنوه باغنيها

واجمل حاجه فى الغنوه

لما بصوتها تدندنها

وانا وهيه نغنيها

حبيبتى احلى ما فيها

كلام الدلع منها

دا بيفتفت فتافيتى

واقول يا حبيبتى كمان زيدى

خدى ايدى

لغايه جوا أحضانك

ادوب يا حبيبتى انا فيكى

يا دوب من لمسه بايديكى

بكل الدنيا وما فيها

دا وانتى يا قلبى ويايا

باعيش وياكى ف حكايه

ست الحسن فيها انتى

وانا الشاطر عشان حبك

ودايب كلى فى غرامك

فى احلامك ...

انا الحارس كما رمشك

بيحرس نظره ف عيونك

عشان السحر مضمونك

محلى كل ما فيكى

قوام موزون ومتشكل

وخطوه يا عينى ع الواحده

تخطى ف عين عدوينك

تغيظ كل اللى حاسدينك

يا عينى غزال

يقوم زلزال

فى بحرى يهزهز الدنيا

ف جبال اسوان

ولو نظره بس ف عينيكى

تخلى الدنيا بالألوان

_________

ايومهاود

محمد أحمد حسن

عرض الرؤى

معدل وصول المنشور: ١

كل التفاعلات:

١١