فص ملح وداب
عشمني بحبه ليا
بليالي كتير هنية
قاللي هعيشلك حياتي
اتاريه بايع القضية
والقسوه دي عنده غيه
ندل وكمان كداب
قاللي هنكون لبعض
مش هيفرقنا بعد
اتاريه كلام اغاني
يتقال يعدي ف ثواني
كان قلبه عليا جاني
شفت انا منه العذاب
قاللي ماتشيلش هم
صدقني حبك اهم
خان شوقي وباع حناني
ف النار والويل رماني
جه عليا هوه وزماني
ما يفيدش معاه عتاب
فوضت لربي امري
على حيرتي معاه وصبري
ده اكيد هيآسي بعدي
هيشوف الويل ف بعدي
وجراحه هتجيب تودي
هيجيله بعدي اكتئاب
دانا يوم ما احتاجت ليه
شفت الخيانه ف عنيه
ليه بس معاه ظلمني
ليه ازيده ويقل مني
علي جرحي الله يعيني
كان حبه وهم وسراب
فص ملح وداب
بقلمي/ خالد جمال ١٤/١/٢٠٢٤
ليست هناك تعليقات:
إرسال تعليق