ازاى اوصل لها
وانا قلبى حبها
جربت طرق كتير
عشان اشغل فكرها
واتمنى انى يوم
اشوفها وارمى السلام
تضحك وتبعت اشاره
ممنوعه من الكلام
واحتار فيها دليلى
شغلانى نهار وليلى
وابعت مراسيل كتير
ازهار ورد وعبير
واقول ياحلوه ميلى
وبعد سنين طوال
جالى رد السؤال
قالتلى اه بحبك
وانت كل المنال
بصراحه فرحت بيها
والشوق مالى عينيها
والحلم اصبح حقيقى
نجمه تنور طريقى
راح اشيلك بين جفونى
ولا لحظه راح تهونى
وازاى حلمى يهون
وانا روحى بين ايديها
شعر احمد اسماعيل / شاعر العرب
ليست هناك تعليقات:
إرسال تعليق