زهاية الدنيا!
( زجل مغربي)
زهاية الدنيا ديما ف لعوين
وأنا ما شفتو فيوم
سيد الرجال ديما ف ذاك لخديم
لي فوقت الحزة بجنبك
تلقاه موجود ومسالي
سعداتك يا فاعل الخير
تصبخ فالدنيا فرحان
وفاليوم المعهود تكون هاني
لحبيب تغير ونسى لوشام
ما عاد يقاسمني بهواه
ولا أصبح يليق يكون وسادي
تهت البارح بالنظرة هايم
ف بحر لغرام نصارع الموجة
ما كنت فنهار بحار
ولا سبق ليا نعرف نعوم
كيفاش النوم يحلى لي
نخمم كثر من لقياس
وعقلي متردد ومحتار
ما عرفت الهوى هو سبابي
-بقلم: محمد دومو
-مراكش/ المغرب
ليست هناك تعليقات:
إرسال تعليق