مش متخيل أن الوضع يوماتي بيسوء
بعد ما كانت الناس عايشه ف راحه وهدوء
ومهما كانت الخلافات في ثواني بتروق
وبيتعاملوا بكل محبه وطيبه وذوق
ولا كان فيه شيء ف الدنيا بيفرق بينهم
اسلوبهم راقي في كلامهم وف اطباعهم
رغم حياتهم كانت صعبه مين يساعدهم؟
دلوقتي ولا فيه بركه ولا فيه خير
وناس جشعه عايشين معدومين الضمير
وغش في كل مكان ورشاوي وتزوير
ولا بنشوف احترام الصغير للكبير
جرب اركب اتوبيس زحمه وشوف بعنيك
هتلاقي فيه عواجيز واقفه من حواليك
وشباب قاعده متقولش ريح رجليك
دي مش اخلاق ولا تربيه وعيب عليك
وفيه عائلات كل افرادها في موال
مشغولين بالفيس وطول الليل شغال
ولا فيه اي كلام بينهم يتقال
كله اتغير للاسوا وربنا يصلح الحال
والاسعار اللي عامله للناس احباط
زي الطريق اللي مليان كله مطبات
وتجار تستغل الظروف ومقضياها استعباط
والفقير مغلوب علي امره وعايش من سكات
كلمات
اشرف مفيد
ليست هناك تعليقات:
إرسال تعليق