بندهلك خُد

 بندهلك خُد

رايح على فين بندهلك خد

ما تحس بحالي يا واد وترد

اوعى تفكر ينساك قلبي

لو مهما تجافي كتير وتصُد

اوعى تفكر تبعد عني

اوعى الايام تاخدك مني

تنسى الاشواق ويهون حبي

كده بتلبسني ف حيطه سد

طب ما تقوللي هتروح على فين

ما تقول يا حبيبي يا ضي العين

دانا قلقي عليك هيموتني

لو غبت دقيقه عليك بتخض

اوعى يكون ليا حبيب تاني

وتسيبني وقلبك ينساني

ماقدرشي اتحمل هجرك يوم

ماقدرشي يا غالي انا ع البعد

طب لو زعلان ما يقوللي فيه ايه

لو يطلب عمري شويه عليه

انا قابل منه عتاب او لوم

لو بينا خلاف يتحل بود

ف ثواني لقيته راجعلي اوام

راجع وف عينه حنين وهيام

قولتله جرى ايه بس يا قلبي

اتاريه كان عيد حبه وحبي

كان جاي مداري ف ضهره الورد

بندهلك خد

بقلمي/ خالد جمال ٢٢/١/٢٠٢٤

عرض الرؤى

معدل وصول المنشور: ١٥

كل التفاعلات:

١ارق ملاك