يا معلم

 يا معلم

يا معلم قلبي يقول بهواك

والعين ماتميلشي الا لرؤياك

دانا لو تعبان ودوايا كتير

مايريحنيش غير بس دواك

يا معلم قلبي يدق معاك

ولا عمره يحن لحد سواك

والعقل منعته عن التفكير

بقى ليل ونهار مشغول بهواك

دانا قبلك شفت سنين حيره

مهموم والروح عايشه اسيره

حبك حررني وعشت امير

ماهو جاب وياه احلى اميره

ماتقوللي هواك غيرني ازاي

خلاني اخاف على عمري الجاي

ماتقوللي وسرك يابني ف بير

ولا عمري هابوح اصل انا نساي

ياللي غرامك يتشال ع الراس

ياللي كلامك رقه واحساس

دانت ف عيني والله كبير

والقلب ملكته يا سيد الناس

قلبي وعشقك وخلاص ليك سلم

دانا من عشقك هفضل اتعلم

على ما اوصلك ادامي كتير

عشان انت يا واد استاذ ومعلم

يا معلم

بقلمي/ خالد جمال ١٠/١/٢٠٢٤

عرض الرؤى

معدل وصول المنشور: ٢١

كل التفاعلات:

١عبد الغني اليحياوي