وان سألوني
حلم ف نومي شايفك فيه
طيف وخيال للحب أناديه
إن طال نومي...ولما بقرب
سحرك.... جوا القلب ماليه
عشتك حب.....مداري عليه
وجمال إسمك...فيه معانيه
جوه حروفه..حنان يتسرب
حس وروح مقدرش أخفيه
................
لما أناديه...يحكيلي ماضيه
بحر حنان..م العشق ساقيه
عايز اروح...لحنانه واجرب
أخاف على حبي يغرق فيه
................
قلبي ف موج حبك يجاريه
إن غاب عنه...النوم يجافيه
ويا الوحدة...يعيش متغرب
يبعد ليه......عن حب شاريه
...............
حب جميل...أحلام ف عنيه
يوم مالاقيه......بيغيرو عليه
ولما يشوفو....حلاوته تقرب
يروحو لحبي.....يلومو عليه
..............
وان سألوني.........بحبك ليه
قلبي معاه ف الحب ماضيه
شاف ف الود حنان متشرب
واللي يعيشه...يبان ف عنيه
**************************

بقلم/عبد الكبير محمد أحمد
جمهورية مصر العربية المنيا
ليست هناك تعليقات:
إرسال تعليق