* * * نظره... يا وطن * * *
للشاعر /صابر الشناوى
شوفت مصر من قريب
الطيبين . . . . الشقيانين
الطمعانيين يبقى ليهم
فيها نصيب لو من بعيد
تشوف عرقهم على الجبين
تحس شوقهم للأمل
يروي السنين العطشانين
يوم للأمان إن يكون
أجر العمل يساوي
فرحه في عيون الولاد
يأمنوا إن البلاد
لسه فيها مخلصين
وما إتبعتش بالتراب
وإن مش كل التضحيه
راحت.... سراب
ولا الدم اللي سال
من غير تمن
أنا لسه مؤمن بالوطن
النيل يرويه بالحنين
يطرح سنابل مرتين
والله عاشقك يا وطن
دايما بشوفك من قريب
وإنت عنيك متغميين
بتشوفش غير الكدابين
الكل بإسمك يتاجر
حتى المقابر باعوها
لينا مرتين
دفنونا وإحنا فوق ترابك
وقالوا إ نهم صحابك
وإحنا يدوب. الخدامين
تاجروا بكل حاجه فيك
وأنا اللي طول عمري شاريك
بيقولولي إنت. مين؟
أنا أبويا من ترابك
وأنا إبن أبويا من جنابك
عليك وفيك دايما آمين
شايلك في قلبي مني قريب
بص ليا لو. من بعيد
ليست هناك تعليقات:
إرسال تعليق