يا مغنواتى قول

 يا مغنواتى قول

احمد السعيد الفقي

يا مغنواتي غني

قول وسمعنا

العمر ضاع مني

وحياتي بلا معنى

وإن كان غناك بيألمنا

وبيصحى أوجاعنا

بس بيفهمنا

حقيقة أوضاعنا

بيعرفنا مين اشترانا

ومين اللي باعنا

عيني عليك ياجدع

زرعك كان لسه أخضر

فرعك ممدود للسما

ويدوب لسه هيزهر

هجم عليه الجراد

أكل اليابس والأخضر

سبع سنين عجاف

لا زرع نبت

ولا سما بتمطر

والكل بعينه شاف

ومين عالفساد يقدر

الطور لما وقع

كترت السكاكين

الكل بدمه انتفع

إلا هو يامسكين

بريء ودفع

من عمره سنين

راح ضحية الجشع

والمسئول مين

الخوف جوانا كبر

بقى زي الغول

ولا حد فينا قدر

ينطق بكلمة ويقول

يا ليلة غبرة

تبقى خيانة ومؤامرة

وعدا الخطوط الحمرا

واللى يعديها يموت

الحل فى السكوت

سكووووووووووووووووت

ولسانك ده

حطه جوا تابوت

وارميه فى أبعد صحرا

يا مغنواتي قول

قول وسمعنا

بلاش كلام معسول

صعب تاني تخدعنا

الظلم لازم في يوم

هيزول

والحق يجمعنا

احمد السعيد الفقي مصر

عرض الرؤى

معدل وصول المنشور: ١٩

كل التفاعلات:

١ارق ملاك