هايم في الملكوت
ما بين الحياة والموت
خطاوي بنخطيها
ما بين الكلام والسكوت
الحياة كلمة
نفهم معانيها
والسنين
بسرعة تفوت
من غير
ما نشعر بيها
حكايات متجسمة
صورة وصوت
الزمان بيحكيها
جثمان جوا تابوت
نهاية الرحلة
ومين مخلد فيها
فين الطغاة
فين العصاة
فين أصحاب السطوة
والجبروت
عظام بالية
السوس بينخر فيها
الدنيا واهية
زي خيوط العنكبوت
الموت بيفنينا ويفنيها
وكله بميعاد موقوت
حقيقة
وبنعترف بيها
ما في الحياة ثبوت
اللي بدأها
قادر ينهيها
كفرنا بالجبت والطاغوت
وآمنا بالحي الذي
لا يموت
رب الخلايق
وباريها
أحمد السعيد الفقي مصر
ليست هناك تعليقات:
إرسال تعليق