قصيدة الغلبان
------------------
غلبان مضروب مهموز
مزنوق في الكنكة والكوز
لو فكرت في مرة أفوز
وتحرم عيشتي الأبدية
لا بقول كاني ولا ماني
و عايش سلطان زماني
و العيشة فل وعجباني
ولساني لازق بسناني
كتر الكلام يجيب الأذية
لو سألوني اخبارك ايه
عال العال بتسألوا ليه
أخر حلاوة تمام يابيه
ده الكرباج عيني عليه
خلاني اسمي فتحية
الراحة جابتلي زاهيمر
والعقل خلاص اتغير
والأفكار مبقتش تحير
عشماوي مأمور ومخير
نضربله تعظيم وتحية
ألطم واشتكي لعمتك
ياللي البلاوي صابتك
واصرخ واخلع عمتك
بعد ما تقطع جلابيتك
حرام يا ناس المرازية
بسيوني صديق
ليست هناك تعليقات:
إرسال تعليق