قصيدة بصوت أنثى
٪٪٪٪٪٪٪٪٪٪٪٪٪٪٪٪
مين قالك تيجي تسكن جاري
مع انك ساكن في عماره
بقى صعب عليك مشواري
كنت يوميا بتجيني
تمشي ورايا من حاره لحاره
بتحاول دايما تناديني
خليتني دايما محتاره
بتمني انك تكلمني
حتى لو من ورىَ الستاره
حساك انك قريب مني
بس أنا مغروره و غياره
و أقول ياريتُ يقربلي
و أطمن على أخباره
فجأه لقيتك ساكن جنبي
بتشاور بكل جساره
و شاورت ليك غصب عني
و قرب منك تاره في تاره
حبك هو اللي مجنني
اللي سقيتهولي بقطاره
و الشوق إليك مسهرني
أتاري الدنيا دواره
علشان عيوني سكن جاري
مع أنه ساكن في عماره
قربك ياحبيبي بيسعدني
و حبي له ألف أماره
منايا ياحبيبي توعدني
اني ماكونش يدوب جاره
و تقابل أهلي و تخطبني
و نسكن لو أوضه وصاله
(((أسامه جديانه)))
ليست هناك تعليقات:
إرسال تعليق