اغنية البنت حبيبة ابوها
أدهم عبده مجلى
أدهم العوضى
★★★★★
أنا لما بأشوف ضحكتها يفرح قلبى ببرائتها
دى البنت حبيبة ابوها
بجمال وحنان وصفوها
وأنا بيها بأشوف الدنيا
جنة وبعيونى شوفوها
★*★*★*★
حبيبتى وفى العيون تتشال
ولو مبسوطه عال العال
ومش عارف اقولكوا ايه
عايزها تكون في أحسن حال
ماهيا ساكنه فى عنيا
فى قلبى زارعه حنيا
وبأدعيلها بكل الخير
وتملى الدنيا دى عليا
ما البنت حبيبة ابوها
بجمال وحنان وصفوها
وأنا بيها بأشوف الدنيا
جنة وبعيونى شوفوها
★*★*★*★
شايفها جميلة من يومها بأراقب لعبها ونومها
وبأفرح لما تضحكلى وبأدعى يزيدها ويدومها
من الافراح كمان وكمان
وتتهنى فى كل مكان
تروحه لو بعيد عنى
ده بيها قلبى كله حنان
ما البنت حبيبة ابوها
بجمال وحنان وصفوها
وأنا بيها بأشوف الدنيا
جنة وبعيونى شوفوها
أنا لما بأشوف ضحكتها يفرح قلبى ببرائتها
وأتمنى ما تبعد عني غير تبقا عروسة فى بيتها
★★★★★
أدهم عبده مجلى
(أدهم العوضى)
ليست هناك تعليقات:
إرسال تعليق