لحظة ندم
راح وخد كل السعادة
بعد منه بقيت عدم
الدموع كاويه الوسادة
والاهات مالهاش عدد
الضياع بقى ليا عاده
كل شئ فيا اتهدم
ياما قلبه عليا نادى
وادعى قلبي الصمم
ياما دادا وياما راضى
قلبي كان زي الصنم
كان عليه يجيب الملامه
مهما قلبي انا ليه ظلم
كان يسامح بابتسامه
وف عنيه دمعة الم
ياما عدى لقلبي ياما
مهما سوى وفيه عمل
لما وصلت للكرامه
كان خلاص مات الامل
ليه يا قلبي ماصنت وعده
بعت عشق مالوش تمن
لما راح ومالكشي بعده
لما خنت اللي اتمن
اوعى تشكي نار ف بعده
اوعى تعتب ع الزمن
ليه اللي يوفي تكون نهايته
يشقى قلبه ويتصدم
واللي ظالم كل غايته
ترحمه لحظة ندم
بقلمي/ خالد جمال ٢٥/١/٢٠٢٤
ليست هناك تعليقات:
إرسال تعليق