مجلة نداء الرؤح لفرسان الكلمات

 إبعِد بقلم أحمد شاهين

مش مطلوب منك تشكُرنى

تشكُرنى إزاى على نسيانى

أنا واحد ميتّ ليه تزورنى

لأ لِسه وفاكر عنوانى

أنا واحد عاش لك طول

عمره

أما إنت اللى بجدّ أنانى

عمّال تتظاهر بالأشواق

وغلُبت أقول لك أنا مُشتاق

لا أنا حِمِل دموع وألم وفراق

أنا مجنِى عليه وتقول جانى

مش هطلُب مِنك ولا حاجه

ولا هقبّل من قلبى سذاجه

أصل المسأله مِش مِحتاجه

إبِعِد وبلاش تتحدانى

مش مطلوب منك تشكُرنى

وتقولها بصفة إستهزاء

ولا قابِل حتى تفكرنِى

م الغببوبه قلبى انا فاء

ولا حتى هقولك أعُذرنى

ولا هتوسل لك برجاء

ولا عاوز أشوف وِشّك

تانى

مش مطلوب منك غير

تِبعد

وتسيِبنى أفارق أحزانى

و

تسيبنى

أفارق

أحزانى

كلمات أحمد شاهين

عرض الرؤى

معدل وصول المنشور: ١٦

كل التفاعلات:

١أحمد محمد أحمد شاهين