اغنية (الحب مش إحسان) من ديوان أجمل المشاعر الإنسانية وأحلى الأغانى الطربيه أدهم عبده مجلى أدهم العوضى ★★★★★

 اغنية (الحب مش إحسان)

من ديوان أجمل المشاعر الإنسانية وأحلى الأغانى الطربيه

أدهم عبده مجلى

أدهم العوضى

★★★★★

كنت حالف يوم ما أسيبك

إلا لو قُلتى وطلبتى

ليه فى قربى أكون حبيبك

والقى غيرى وقت غيبتى

انا ما اقبلش أكون إنسان

وقت بعاده يعيش أحزان

واما يقرب تملى فراغ

عمر الحب ما كان إحسان

عيشى حياتك كده وياه

لو فيه فراغ خليه يملاه

وأنا مش عايز تانى أشوفك

وأمشى فى سكة مليانه آه

★*★*★*★

زى ما عايزه تعيشى حياتك

خلى حياتك برده تعيشك

وأتعلمى من درس أهو فاتك

قبل الدنيا ما تكسر ريشك

ولا هتلاقى حد يداوى

كله بجرحك غدرك ناوى

مأنتى بتملى فراغ بفراغ

قلبك أعمى و نظرك زاغ

عايشه حياه اسمها نسيان

وأنا ما أقبلش أكون إنسان

وقت بعاده يعيش أحزان

وأما يقرب تملى فراغ

عمر الحب ما كان إحسان

★*★*★*★

جايه تقول إن أنا حبيتها

وإن حياتى من غيرها مفيش

لأ وحياة قلبى انا نسيتها

قلبها ليها ما يلزمنيش

مأنا مش هأقبل ابقا بديله

وقت ما تسهر وحدها ليله

وإن يوم شاور ليها تجيله

حتى فى بُعده بتستناه

عيشى حياتك كده وياه

لو فيه فراغ خليه يملاه

وأنا مش عايز تانى أشوفك

وأمشى فى سكة مليانه آه

★★★★★

أدهم عبده مجلى

(أدهم العوضى)

عرض الرؤى

معدل وصول المنشور: ٣١

كل التفاعلات:

١ارق ملاك