العين والرمش

 العين والرمش

كنت فاكر إني قادر

علي العيون والرمش

كنت. فاكر إني

محطم قلوب العذاري

وان عيونهم ما بتنمش

كنت. فاكر آن حواء

بوش واحد

طلعت بسبعين وش

طلعت وشوشهم كتيرة

ومتكحلة بالغش

اه واه منك ياحواء

واه من العين والرمش

طيب ما تريح دماغك

وابعد ياعم عنهم

قولت بصراحة مقدرش

هي العيشة تبقي عيشة

من غيرك ياحواء

حتي لو عيوني ما بتنمش

احبك ياحواء

واحب العيون و الرمش

واللي يقول غير كده

يبقي اكيد ما بيفهمش

والحياة من غيرك ياحواء

والله ما تسوي قرش

دول مصابيح البيوت

ومن غيرهم

بيوت ضلمة ما تنطقش

اشتقت لنظرة عيونك

ومعاها غمزة رمش

يا أم العيون السود

ومتكحلة بالرمش

بقلم

احمد محمود

من ديوان سكة العاشقين

عرض الرؤى

معدل وصول المنشور: ٣٧

كل التفاعلات:

١ارق ملاك