بيهزر

 بيهزر

اقوله تعبت ليك مشتاق

الاقي جنابه بيهزر

اقوله كفايه يابني فراق

يقوللي ده امر يتعذر

اقوله إيه اخرة الأشواق

يبص بعينه ويحذّر

زهقت خلاص وخلقي اهو ضاق

يقول ليه بسرعه تتأثر

خلاص شتيت وصابني الداء

بشد ف شعري وبكسر

خلاص فاض بيا من حواء

ليه غاويه ف عمري انا تقصَّر

صارحني وقوللي يا بن الناس

ليه بسأل وانت ما بتسأل

نطق بالرقه والاحساس

وقال بشويش يا عم اعقل

عشان شوقك يتنه معاك

عشان ناري تئيد جواك

عشان دايما تقول بهواك

لازم من شطه على فلفل

حبيبي وعندي احلى ملاك

حرام يعني عليك اتقل

بقلمي/ خالد جمال ٢٨/١/٢٠٢٤

عرض الرؤى

معدل وصول المنشور: ٤٥

كل التفاعلات:

١١