مجلة نداء الرؤح لفرسان الكلمات

 سر م الأسرار بقلم أحمد شاهين

لو السيجال ممنوع

هبعِد عن الأشعار

بحر الكلام ينبوع

زخات من الأمطار

وانا عاشق الكلمه

لؤلؤ فى قلب محار

لو حّد أشعاره

عجبانى بإستمرار

يا مألفين الشعر

بالوزن والقافيه

الشعر مش عافيه

والموهِبه إعصار

بتخِلى خطاوينا

متلخبطه فينا

ساعات بتإذينا

ونخالِف التيار

وساعات كدا بنطير

نصاحب العصافير

وبالنهار والليل

نِفّرح وباستمرار

أنا قلبى على وِده

مين فى الوجود أده

حبيبه بيواعده

ولا عمره قال أعذار

سيجالى كله كلام

مااقصدش شئ منه

أنا قلبى زاد سِنه

ياما إنكوى بالنار

بحِن للماضى

ضاع عمرى ع الفاضى

عايش كدا وراضى

لو الحبيب غدّار

أفكار بتعِجبنى

أرقام بتحسِبنى

وحروف بتكتِبنى

ما انا سر م الأسرار

كلمات أحمد شاهين

عرض الرؤى

معدل وصول المنشور: ٥١

كل التفاعلات:

٢ارق ملاك وأحمد محمد أحمد شاهين