عام ولَّى بالاحزان
وخد اساه ف ايده
بالظلم والعدوان
يا رب لا تعيده
تكسر خسيس وجبان
وترد فيه كيده
وف عام على الأبواب
بقلوبنا ندعيله
يكون سلام وأمان
مانشوفشي يوم ويله
واللي اشتكى الحرمان
بالخير كده تزيده
واللي اتولد شقيان
تشد فيه حيله
والباكي والحزنان
يبقاله يوم عيده
والمضنى والحيران
يقل تنهيده
والطير ف كل مكان
سامعينله تغريده
وتزيد قلوبنا ايمان
والحق ما نحيده
والقلب بالقرآن
بالنور كده تئيده
بالمصطفى العدنان
تجمعنا مواعيده
شربة لفؤاد ظمآن
تسقينا من ايده
بقلمي/ خالد جمال ٣١/١٢/٢٠٢٣
ليست هناك تعليقات:
إرسال تعليق