حبيبي تقيل

 حبيبي تقيل

بجد يا ناس مغلبني

نهار أو ليل

تملي هواه بيغلبني

وروحي تميل

ليه بس مُصِرّ يتعبني

ودمعي يسيل

خلاص بقى روحي هتسيبني

وقلبي عليل

عيونه خيال وعوده روعه

رموش قادرين

عرفنا التقل ليك صنعه

خلاص فاهمين

حرام ده القلب فيه ولعه

عايشها انين

ليه دايما صد وملاوعه

شمال ويمين

اقرب ليه يقوللي اوعى

يا واد على مين

منين مابروح وداني سامعه

كلام لايمين

تعبنا يا سيدي والنعمه

غلبنا سنين

يا عم شويه م الرحمه

وحبة لين

ده شوقي ف قلبي نار تحمى

وامتى تميل

حبيبي تقيل

بقلمي / خالد جمال ١٢/١٢/٢٠٢٣

عرض الرؤى

معدل وصول المنشور: ٥٠

كل التفاعلات:

١ارق ملاك