قررت اعتزِل
خلاص هاتوب عن الهوى
وعن الغرام
ولا اقول كفايه يا ناس بقى
هارتاح كمان من الأسى
ومن الآلام
هبعد بشوقي وهنعزل
لاسمع عتاب
من حد مَرّه او ملام
ولا اشوف عذاب
او اعيشها مُرّه ع الدوام
هعيش براحتي إرادتي حره
وف سلام
لا ليّا دعوه بمين طِلِع
ولا مين نِزِل
راح اجافي صوتي
وأعشق سكوتي وانسى الكلام
وهداري شوقي
لو فيها موتي لو موت زؤام
راح اعلي مودي
وتكون ردودي زي السهام
مانا ياما قلبي كتير حِزِن
مش اكون كيوت
او ع البراءة هعيش واموت
دانا هبقى حوت
هنسى الحنان وهكون رِزِل
مانا عشت باقي وكان جزائي
بتخان يا قلبي ف كل مرة وبنخذل
قررت اعتزل
بقلمي/ خالد جمال ١٠/١٢/٢٠٢٣
ليست هناك تعليقات:
إرسال تعليق