يابنت ابوكي
وأخت اخوكي
اوعي حد في يوم
يلوف عليكي
وعشانه تكسريني
وتبيعيني
لسه ما اتولدش
اللي يحبك
اكتر من ابوكي
ولا يخاف عليكي
اكتر من اخوكي
لسه ما اتخلقش
اللي عشانه
تطاطي راس ابوكي
وتكسري بخاطر اخوكي
وخلي راسنا
في السما عاليه
زي ما خليتك
طول عمرك غاليه
ولو كان ابن أمير
أوعي تساوي
رأسه براس ابوكي
خليني اقعد و اتشرط
شروط ملوكي
بعزك و شرفك
انا ملك و سلطان
وبيتنا الصغير ده
هيبقي قصر ملوكي
لما يجي عندنا
الأمير وأبوه مني
يخطبوكي
يا أميرة قلب ابوكي
وتاج راس اخوكي
ويابنت ابوكي
وأخت اخوكي
اوعي في يوم
تكسريني
بقلم
احمد محمود
من ديوان حبة رتوش
ليست هناك تعليقات:
إرسال تعليق