برق ما تقشع!!
( زجل مغربي)
شحال من كلام مدون فلعقول
موروث من حكايات منقوشة
فلسناتنا حاضر ومنقول
واد حامل بالمعنى
دروس كثيرة ومتنوعة
تحتاجها ضو ف الطريق
حاملة سر ناس مجربة
أفادة لكل متجول فالدروب
يكتاشف الدنيا بلعقل والتدقيق
آش باقي عندك ما يتݣال؟!
كلشي وضحوه ناس زمان
الحق واضح وباين
والغشاش يقهرك بكثرة لكلام
ݣالوا جدودنا:
إلا بانت المعنى
لا فائدة فالتكرار
وشحال.. وشحال.. وشحال
من هاذ الكلمة خاصنا تتݣال
كلشي تجمع وتطوى
ولا تتسنى يا الطامع شي معنى
ݣالوا ناس زمان:
شحال ݣدك ما تستغفر
يا البايت بلا عشا!!
عفاك يا السامع نواحي
لا تستغرب من كلامي
ولا تقيد عليا لمقال
انا غير داوي وغادي
وبلاد السعاية والذل هاذي
ما تنفعني.. ولا تحلى لي
-بقلم: محمد دومو
-مراكش/ المغرب
ليست هناك تعليقات:
إرسال تعليق