كانوا كده
ولادنا
ايام الرز ما كان رخيص
كل العيال كانوا قلابيظ
من المحشي ويا الملوخية
وعليها بطة أو وزاية
او جوز فراخ شمورتاية
واللمة حوالين طبلية
والحلو ياعم كمان بطيخ
والعيال. تفرح وتغني
معدتهم دايما مليانة
وخدودهم وردية تملي
اصل الزفر دا سره عجيب
وياريتها طقة ومنسية
قبل منها فيه تصابير
اصل العيال زي الدبابير
من كتر اللعب والحركات
كل شوية يكونوا جعانين
دلوقتي عيالنا جعانة
واشكالهم بقت مرضانه
وعظامهم نخر فيها السوس
وأهاليهم ياولداه شقيانة
مش مكفينهم ياعيني دروس
وكل الناس فقرانة فلوس
وخلاص اللحمة عليها بندوس
والفراخ بنشوفها كابوس
يرحم ايام الجمعية
ويرحم ايام الملوخية
والفتة ام طشة تقلية
واللمة حوالين طبلية
والحلو ياعم اسمو البطيخ
بقلم
احمد محمود
ليست هناك تعليقات:
إرسال تعليق