بتقوللي إبعِد

 بتقوللي إبعِد

خِلِص الغرام آخرك هنا

وبجلدك إنفِد

من غير كلام ولا شوشره

ولا اقول ولا اسرِد

خِلصت روايتي ودوري انا

وفاضلي مشهد

دي ماكفهاش تغدر كده

وكمان تهدد

كت واخده قلبي انا سِلِّمه

وعليه بتصعد

كت عامله فيها المُلهمه

والعشق معبد

فاكراني هارضى الذل ده

هابكي وهعدد

فكرت اخلص من عذابي

وم الضنا

اقتلها واهرب

طِلع السلاح

وشطاني ساقني لملعنه

وبجد هضرب

بس افتكرت ف لحظه

قدرة ربنا

ده عقابه اصعب

دي ماتستاهلشي عشانها

لحظة عكننه

او اتوه او أتعب

فوضت امري ليك يا ربي

ف واحده خاطيه ومجرمه

قررت أبعِد

بتقوللي إبعد

بقلمي/ خالد جمال ٩/١٢/٢٠٢٣

عرض الرؤى

معدل وصول المنشور: ٢٤

كل التفاعلات:

١ارق ملاك

تعليق واحد

أعجبني

تعليق

إرسال