نسيت هجرك
قلبي وجواه..فرحتو بيك
يلومك.....لما تطول هجرك
تهجر ليه....والقلب شاريك
وتحيرني فيك....وف أمرك
تخاصمني...وتبعت غناويك
توصف حال...الهجر وصدك
طب ما انا دايما...بحلم بيك
حتى نجومي تتوه مع عدك
..................................
شهد كلامي.......ولما اناديك
شايل همسه.....أساوة بعدك
معاه حبي.....عشان يرضيك
وعطر زهوري.....لربيع وردك
..................................
ييجي غرام.......حلو يخليك
تعلا بموج الحب..... ف ردك
قلبي.... لمرسا الهوى يهديك
شط وضل.....هنايا وسعدك
..................................
خد موالي.......غناه يشجيك
أحلى نغم على عودي يشدك
دنيتي حلوة......وملك إيديك
إديت حبي بقيت على عهدك
*************************
بقلم/عبد الكبير محمد أحمد
جمهورية مصر العربية المنيا
ليست هناك تعليقات:
إرسال تعليق