ما بين الحرف والحرف

 ما بين الحرف والحرف

وجع

ألم

جرح ونزف

طابور طويل

من المشاعر

وقلوب عطلانة

واقفة في الصف

وأحلام هربانة

من عز البرد

بتدور عالدفا

في ليل البعد

وهي مهددة بالخطف

ما بين الحرف والحرف

مليون كلمة

بتستعصى عالنطق

مليون ضحكة

ماتت عالشفة

ببطئ

وعيون خايفة

تاهت منها السكة

وجوا متاهة بتلف

كل مناها

الدموع اللي ساكناها

تجف

لكن إزاي؟؟؟؟؟

والوجع جسر بيتمد

بيوصل جرح بجرح

وأحنا اللي ما بينا

مليون سد

وخريطة

محتاجة لشرح

شرح وافي

من غير حذف

ما بين الحرف والحرف

لحظات خوف

ولحظات ضعف

يا نغلب خوفنا

ونقوى

يا نضعف

وخوفنا

علينا يستقوى

البقاء دايما للأقوى

والضعيف

يتركن عالرف

أحمد السعيد الفقي مصر

عرض الرؤى

معدل وصول المنشور: ٩

كل التفاعلات:

١ارق ملاك