الحب

 الحب

كاس وداير ع الحبايب

اللى حاضر واللى غايب

والرضيع وابو شعر شايب

القلوب بتحس بيه

والخطاوى بتمشى ليه

والعقول سرحانه فيه

كلمه من حرفين ولكن

فى القلوب الصافيه ساكن

مهما تبعدنا الليالى

صورتك انتى شاغله بالى

ما انتى احلامى وامالى

ياكؤوس الحب دورى

هاتى افراحى وسرورى

واسقى شهدك للحبيبه

دى قمر ساكن العلالى

مهما عنى يستخبى

راح يعود لى حبه حبه

ويشرب الشهد بايديا

ده مكانه ف نور عينيا

ياكؤوس هاتى وصبى

واسقى اغلى الناس وحبى

خليه يشرب من حنانى

ويرتوى شويه شويه

شعر احمد اسماعيل / شاعر العرب

عرض الرؤى

معدل وصول المنشور: ١٠

كل التفاعلات:

٢ارق ملاك وعامر الدليمي