بقلمي/عبد الحفيظ جابر شيبه
علمتونا
علمتونا أن مافي شيء
فالدنيا له لازمة
سقف الدار فلحظة
بقى فالشارع من غير
هدوم تستره ولا حتى هدمة
وانا زعلان عشان ما عندي
غير شبشب وكوتشي
وكام جوز جزمة
بقاله خمسين يوم
مأكلش لقمة دافية
ولا شرب مية صافية
والهوى بيتنفسه بالعافية
وانا زعلان إن العيش
مش جاي دافي
والخضروات مش بالحزمة
عائلات عائلات بتموت
وتمشي ف الشوارع
ما تسمع للناس صوت
غير صوت السكوت
وانا زعلان إن زوجتي
لصاحبتها عازمة
والتكيف شغال سخن وبارد
والثلاجة تيجي كام قدم
والبوتجاز خمسة وستة شعلة
وانا زعلان إن الشاشة
مش بل بلازمة
علمتونا أن حب الوطن
مفيش فيه أزمة
لا بيت ولا ماء ولا كهرباء
ولا مأكل ولا مستشفى للشفاء
ولكن يوجد عزيمة وكبرياء
وانا زعلان إن الناس مش ملتزمة
علمتونا أن مافي شيئ
فالدنيا له لازمة
بقلمي/عبد الحفيظ جابر شيبه
ليست هناك تعليقات:
إرسال تعليق