قصيدة كنت فاكر

 قصيدة كنت فاكر

كنت فاكر اني،غالي بس وهم طلع فشوش

كنت فاكر إني باقي

مر بسراب،وماشوفتهوش

كنت بحلم حلم عالي

للأسف ما وصلتلوش

كنت طامع أنا في نجم

في السما ومامسكتهوش

كنت عايش انا في حيز

ضاق عليه وماساعهوش

كنت فرحان بالبطل

كنت حاسس فيه أمل

كنت فاكرني راكب حصان

وأكتشفت إنه جمل

كنت صابر علي إللي كان

قلبي بقي صخر و ركام مارحمتهوش

كنت ابص في وش ناس كانوا طيبين وأتبدلت كل الوشوش

كنت فاكر إني هقدر اتعايش وسط الوحوش

كنت فاكر إني سلاح في وسط حرب من الجيوش

كنت فاكر إني رسمة حقيقة بانت وسط كتلة من الرتوش

كنت فاكر إني حُب طلعت حَب دبل عشان ماسقيتيهوش

كل ده أنا كنت فاكره وإنت ناسي ما افتكرتهوش

#محمد_ابراهيم_حجاج

عرض الرؤى

معدل وصول المنشور: ٣٠

كل التفاعلات:

١ارق ملاك