بسابق الطير
وأحلامي تسبقني
ومادد إيدي بالخير
ولازم تصدقني
أنا الطفل اللي جوايا
و عندي أمل في التغيير
صحيت من النوم
على كابوس
فوقني
وآهة كاتمة على صدري
بتخنقني
راح فين الضمير
آمنت للأيام
وهي بتسرقني
بتجري قدام عينيا
وتقولي إلحقني
د العمر قصير
إشتقت لطفولتي
ولعبي ومريلتي
وكتبي وكراستي
وأصحابي ومدرستي
لقيت الدموع بتخنقني
وتعبت من التفكير
للماضي
راضي يفارقني
وللحاضر عاد
فارق لي
أنا عايش
وجوايا طفل كبير
للفرحة
تملي يسبقني
يفرد جناحه للهوى
يحلم ويطير
أحمد السعيد الفقي مصر
ليست هناك تعليقات:
إرسال تعليق