مجلة نداء الرؤح لفرسان الكلمات

 درويش بقلم. أحمد شاهين

كل الحروف ع السطر

مبتوره

وإزاى هنقراها أو نِشّكيلها

حتى الكِتاب لا غُلاف

ولا صوره

زى شعوب الفقّر

فى مشاكِلها

كل المعانى طلاسم

شفّره مجهوله

محتاجه قاضى يقولك

تم تأجيلها

الليل سواده يِكعبِل كل

شئ ماشى

والأمه رغم العلِم

بتشكى من ليلها

جوجل مؤرخ للزمن وزعيم

وبيسألوه ع العِشره

والله ما فِهمها

قلوبنا صبّحت كالجماد

جامده

وعقولنا شارده فين مفاهيِمها؟!

درويش بيصرُخ فى الميدان

ويقول فين الأصول

يا أُمه تم تعليمها

سوق النخاسه رِجّع

على شكل مهرجانات

والعُرى فِكره

وتم تعميمها

يا أمة المصطفى والوحى

والقرآن يا عبّدة الرحمن

يوم القيامه قريب

وكُل النفوس جاهزه

هيتم تسليمها

كلمات. أحمد شاهين

عرض الرؤى

معدل وصول المنشور: ٢٦

كل التفاعلات:

٢ارق ملاك وأحمد محمد أحمد شاهين