الجمعة، 15 ديسمبر 2023

راجع نفسك

 راجع نفسك

إزاي تأمن للي غشك
واللي باعك وب بلاش
واللي مش فارق له قلبك
يبقى مات او يبقى عاش
عاش بيكسر في القلوب
والخداع كان طبع فيه
وانت ذنب من الذنوب
تبقى لعبة بين ايديه
قوللي ليه
الحقيقة تبقى باينة
وانت مش عايز تشوفها
هو خاين هي خاينة
هي دي كانت ظروفها
فاكر إللي كان ناسيك
وانت محتاج له لوحدك
واللي مره جه عليك
واللي راح ماوقفش جنبك
راجع نفسك
افتكر كل المصاعب
اللي ياما كنت فيها
مين بجد كان مصاحب
مين مشي ماوقفش فيها
نام واصحى صحي روحك
وهمك انت إللي عايشه
مين هينزف من جروحك
اخره هيمصمص شفايفه
إللي شايفه ليك لوحدك
مين يحسه او يشوفه
انسى احلامك ووعدك
للي خوفك عكس خوفه
انت خوفت كتير عليه
هو خاف على حد غيرك
انسى أيامه ولياليه
اللي بيتستقوى بتكسيرك
انت أحلى انت اغلى
اوعى تاني تكون رخيص
واللي اتكبر و بيستعلى
جزمة وبنطلون وقميص
المشاعر للي شاعر
مش اللي يتباهى بجحوده
لو وطن اهجر وسافر
لو بشر ارفض وجوده
اعمل الايام هدوم
والبس اللي يليق بجسمك
انت شبعان مش محروم
والصبر ده طبعك واسمك
راجع نفسك
عز إللي راح يعزك
حب اللي يكون شاريك
والوجع لو جه يهزك
اوجعه انت بايديك
اصلك انت من زمان
والزمان ياما علمك
يبقى سيبك م إللي خان
واللي عمره ماستحملك
انت عايز حد شبهك
حد يعرف انت مين
حد صابر عاشها قبلك
كان بيتمناك سنين
حد عايز يبقى سترك
مش حد بالزور يفضحك
بعد احزانك وجرحك
محتاج ل ناس تفرحك
هي دي كل الرسايل
اللي مني ليك يا قلب
واللي ينكر الجمايل
لا احترم ولا حتى حب
عيش ودور ع السلام
عمر ما مكروه يمسك
واللي حبك ب الكلام
قوله شكرا حب نفسك
راجع نفسك
أحمد صبري
قد تكون صورة ‏تحتوي على النص '‏نجیب محفوظ "يوماً ما ستفهم جيداً أن الأشياء ترحل إذا تجد الإحتواء وأن الصبر وإن طال ينفذ، والحياة لا تقف على عتبة أحد..! ALLAM ABN @.AHMED‏'‏
كل التفاعلات:
٢

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...

  • (لا تزال عالقة) بقلم عواطف فاضل الطائي
    (لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...
  • **قصيدة عن الألم والعذاب في غزة العزة**
      **قصيدة عن الألم والعذاب في غزة العزة** أيا غزةُ، يا جرحًا في القلبِ عميقاً أرضُ العزةِ، فيها الأملُ مضيءُ تبكي السماءُ من شدةٍ وحنين و...
  • دغدغه دغدغه
      دغدغه كل حاجه ملغبطه زاي رسمه بشخباطه والملامح مكشره والقلوب بين الضلوع دايبه هاشه مدغدغه ماتت الضحكه حتي وقت الزغزغه والفرحه جايه مجرحه و...