مجلة نداء الرؤح لفرسان الكلمات

 باب الهُدى بقلم. أحمد شاهين

ساعات بنحِن للماضى

وأيامنا اللى عِشناها

سنين بتمِر ع الفاضى

وياما إحتارنا وياها

تاخُد منا ما تدِينا

ومِن ناس تانيه بعّدينا

وتتفّرق خطاوينا

وبتجمعّنا فى متاهه

وجودنا فى الوجود ذكرى

فى ناس تنسى وناس فاكره

وناس بتشيِل هموم بُكره

وناس ع المولى سيباها

بنتعلِم دروس ودروس

وميزان الحياه معكوس

وأحلامنا بتبقى كابوس

ودنيا إحتارنا وياها

يا عايش أيه اللى فاضِلك

وناس غايبه كانت ضِلك

هيجى الموت يشاورلك

تسيب الدنيا وشقاها

على باب الهُدى واقفين

وويانا كتير ملايين

فى ناس بيقولوا مش عايشين

وناس بريائهّا تتباهى

ساعات

بنحِن

للماضى

كلمات أحمد شاهين

عرض الرؤى

معدل وصول المنشور: ٤٥

كل التفاعلات:

٢أحمد محمد أحمد شاهين وارق ملاك