كل ما أفكر فيك ألقاني
تهت و روحت في عالم تاني
حلم سنيني اللي استنيته
بحر محبه وشط أماني
من يوم بعدك غابت روحي
طيرى ياطاير عني بعيد
فين ما تروح روحك وخداني
جوه عيونك مرسومه صورتي
ازاي تقدر تبعد عني
لحظات عشق سوا عشناها
مش ممكن في يوم تنساني
عود ياحبيب الروح لعشك
وأنا أسقيك من بحر حناني
عوضني سنين بعدك
عوضنى أيام حرماني
فين أراضيك دليني عليها
أركب موج البحر و أجيلك
أو سحابه في السما
جوه القلب أجي و أشيلك
لو في بلاد الغرب معاكي
أجى عشطان أشرب من نيلك
و أنسى الفكر اللي مسهرني
انتي حبيبتى و أنا حبيبك
(((أسامه جديانه)))
ليست هناك تعليقات:
إرسال تعليق