عاشقة من الريف .........................

 عاشقة من الريف

.........................

شدّتني من إيدي

وقالت اتطلّع ..

شوف الندي ..

عَ ورد الخد ..

عميلمع

و زهر الرمان ..

اشتهى شفافي

و كُحل الليلكي

بعيوني يتلوّع

والعِطر بنسمات الشعر

فاحت عبير ..

عَ الجدايل ترقص

و تِتقصّع

و غِفيت النجمات بعيوني

وحداني ظل القمر

سهران .. يتوجّع

تعربشَتْ بصدري النهدات

وتغلغلت بالقلب ..

تعال جاي ..

طُم و اتسمّع

بإيدك طوّق خصري بياسمين ..

وخليني إرتكي ..ع الكتف

و اتدلّع

حبك بدمّي ينبض بالوتين

وحبَّك جُوّا الروح

نوّر ..و شَعشَع

يا سارق النوم من عيوني

يا حلم عمري ..

لا تفِل و تِتسرّع ..

خلّيك جنبي متل لِخْيال ..

خلّيك المحرمِة لما

عيوني تغرغِر

و تِدمع

واغمرني ع صدرَك

بلكي بِنْطِفي ..

وبلكي برمِّم عُمر

قًبلَك .. اتصدّع

يا حسرتي بهالعمر

شو استنيت ..

بلكي أيامي المَضَت

برجوعك .. بتِرجع

ياريتني قهوة بفنجانك

وتِشرب ..

وكل ما رشَفت منٍي

زِيد .. و إنبع

وكل ما شفافك لامسوا الفنجان ..

يجن العقل ..

وحس الروح منّي

راح تِطلع ..

يا أسمر .. يا حلو القد ..

حجزتلٍك أعلى منزلِة ..

عرشك بهالقلب

فوت .. اقعود

و اتربّع

وسام الحرفوش

عرض الرؤى

معدل وصول المنشور: ١٨

كل التفاعلات:

١ارق ملاك