اغنية (سكة مش لينا)
أدهم عبده مجلى
(ادهم العوضى)
★★★★★
بنمشى فى سكة مش لينا
وليه يا غربة تاخدينا
يا ريتنا بايدنا خدنا قرار
يا ريتنا اختارنا سكتنا
و تاهت منا غـُربتنا
و كنا نعيش ببراءتنا
ولا فى غـُربة وفلوس نحتار
★*★*★*★
بعدنا زمان عشان نرجع
ونبقا حد غير الحد
لقينا البُعد ليه بيوجع
سألنا ليه ما جانا الرد
يا ريتنا فضلنا زى زمان
وناس عايشه بصفات إنسان
و لو عشنا فى يوم حرمان
نلاقى أحبابنا وقت الجد
يا ريتنا اختارنا سكتنا
و تاهت منا غـُربتنا
و كنا نعيش ببراءتنا
ولا فى غُربة وفلوس نحتار
★*★*★*★
بنضحك بس على روحنا
وبنسمى العذاب ده طموح
يا ريتنا ما جينا ولا روحنا
هنلقى طموح منين ما نروح
يا ناس ده العمر يستاهل
و ليه بنبيعه بالساهل
ومهما كسبت اه يا جاهل
رجوع عمرك ده مش مسموح
يا ريتنا اختارنا سكتنا
و تاهت منا غـُربتنا
و كنا نعيش ببراءتنا
ولا فى غُربة وفلوس نحتار
★★★★★
أدهم عبده مجلى
(ادهم العوضى)
ليست هناك تعليقات:
إرسال تعليق