الحب الصادق

 الحب الصادق

الحب الصادق سابنا وفارق

غاب عن عينا ومش موجود

ف ظروف صعبه تاه ف الغربه

مابقاش ليه ف حياتنا وجود

ضاع ف الغيمه فك الخيمه

فاتنا وهاجر عدى حدود

سابنا نآسي ويل ومآسي

بعده تعبنا ف ايام سود

قوللي ازاي هيكونله بقيه

ويا زمان مالياه الماديه

جوه عيون بالخوف مرويه

قلب ما فيه ذرة حنية

روح ف جراح علطول ملهيه

نبض بيشكي فيك او فيا

غاب بقى بينا وبينه سدود

بص يا حب ياريت تسمعني

امسح زعلك فيا طاوعني

وجعك جوه ف قلبي واجعني

برضه شاريك لو كنت بايعني

عارفك لازم يوم هتعود

بقلمي / خالد جمال ٣/١٢/٢٠٢٣

عرض الرؤى

معدل وصول المنشور: ١٩

كل التفاعلات:

١فهدالصحراء الجرئ