اغنية
(برئ يا دنيا)
كلمات/أدهم العوضى
أدهم عبده مجلى
الاغنيه مسجله مصنفات فنيه
برئ يا دنيا برئ والظلم فيكي جرئ
وعشت فيكى وحيد ما ليا فيكى صديق
برئ يا دنيا برئ منك
وعشت فيكى على ظلمك
رضيت بظلم الناس فيكى
وحتى ظلمك من جنك
★*★*★*★
حرام يا دنيا حرام الظلم فيكى حرام
اديه نصيبه م الحب وكفايه بقى أوهام
حرام يا دنيا إنى اواسيكى
ليه تظلمينى وابكى عليكى
ده لو بايدى اكون لك حر
لا تاخدى منى ولا أديكى
★*★*★*★
مظلوم يا ناس مظلوم وقلبه عاش مهموم
وعاش حياته يقول ادونى رضا مش لوم
الوم عليكى انتى يا دنيا
الفرح فيكى ما جاش ثانيه
ادينى فرصتى من تانى
واهى فرصه اولى مش تانيه
★*★*★*★
اديه يا دنيا اديه وكفايه ظلمك ليه
خليه يجرب تانى وربنا يهديه
ما جريت وراكى يا دنيا فى يوم
وكنت راضى وانا مظلوم
وكل ليله ابات سهران
لا يهدى بالى ولا اشوف نوم
★*★*★*★
كلام يا دنيا كلام الحب فيكى كلام
ليه تلعبى بقلوبنا وتعيشينا اوهام
جمعت ودك على ودى
وعشت فيكى على حدى
ومهما فيكى انا ابنى
بتيجى برده انتى تهدى
★*★*★*★
نصيب يا دنيا نصيب وعشت فيكى غريب
ومهما تعملى فيا خلاص ما فيكى عجيب
يا دنيا فين بس نصيبى
لا لقيت اخويا ولا قريبى
فى يوم وليله صبحت غريب
لا اعرف عدوى ولا حبيبى
★*★*★*★
اصبر بقا يا حبيب والصبر فرجه قريب
وعيش حياتك وأسأل ومسيرها تيجى وتجيب
اصبر كتير ونفد صبرى
وعشت ابنى انا فى قبرى
من كتر ما شكيت فى الدنيا
قلمى اتكسر وخلص حبرى
★*★*★*★
مظلوم يا دنيا كتير وبرده قلبه كبير
ولو تحبى الرحمه تكسرى الجنازير
يا دنيا سجنى ضاق بيا
والدمعه كترت فى عنيا
احبابى لو جم وزارونى
كانوا مسحوا دمعتى فى عنيا
★*★*★*★
عاش كتير بيٱسى وينادى فينكوا يا ناسى
لا حد رد عليه ولا حد جاله يواسى
لا اعمامى يسألوا ولا خالى
صعب على السجان حالى
ما نسيوا حبى وهجرونى
وهما دايمأ على بالى
★*★*★*★
موال برئ يا دنيا
كلمات الشاعر
أدهم عبده مجلى
(أدهم العوضى)
ليست هناك تعليقات:
إرسال تعليق