يا مستبده

 يا مستبده

يا مسيطره على قلبي انا

على حياتي وسنيني

يا مهيمنه عافيه ورضا

على شرياني ووتيني

يامبدله يومي بسنه

مابين شوقي وحنيني

ماعندكيش ف الشوق دلع

مفيش يامّا ارحميني

بتعرفي فين الوجع

من نظره يدوب ف عيني

شاف الغرام منك بدع

بتقدري تملكيني

بحس فيكي كل المتع

لو حضنك يحتويني

يا ورده ناديه ف دنيا عاتيه

يا حضن دافي ف ليله شاتيه

عايش معاكي ونفسي راضيه

واخده قلبي وضي عيني

حبك ف قلبي وف دمي عاش

عشقك يا عمري مافهوش نقاش

حبيني حب جنون وطاش

او واحده واحده يا واش ياواش

حبيني برضه بكل حده

يا مستبده

بقلمي/ خالد جمال ١١/١٢/٢٠٢٣

عرض الرؤى

معدل وصول المنشور: ٢٧

كل التفاعلات:

١ارق ملاك