بستغرب ليه؟!!

 بستغرب ليه؟!!

قلبي بيهواه والروح حاسه

ف العند معاه ده ما يتوصى

دانا جفني غطاه والعين فرشه

دانا ما ستحملشي عليه خدشه

وإن مره عنيه رمشت رمشه

بتجن عليه وتجيني روشه

اجي ابوحله يصدرلي الطرشه

دانا حلو وملح و حاجه حِرشه

وكتير يحلموا من إيدي رشه

مش عارف ليه لملحتي قارشه

وغلبت مناهده واحايل فيه

اوصفله الشوق مني بيسرح

لو اكون مخنوق فيا بيفرح

ف العند يسوق بكلام يجرح

ف ثواني بتوه مالاقيش مطرح

شجرة احزاني هموم تطرح

مايقوللي غرامه ناويلي على ايه

فاض بيا خلاص وببات مغلوب

والعقل يا ناس مني انا مسلوب

قلت اسألها لو فيا عيوب

اتاريها وصلها ان انا ألعوب

بلاغيها لحد ما فيا تدوب

بوصل لمرادي وابكِّي قلوب

قلتلها خلاص دانا كنت هتوب

رفضت وقالتلي ده شئ مكتوب

كل اللي عملته ف يوم هلاقيه

اصل الاشواق دي سلف على دين

زي انا ماجرحت قلوب صافيين

وشبكت قمارى بنظرة عين

وسرحت بعقل بنات حلوين

كله بيطلع على قلبي انين

بشرب من كأس كنت انا بسقيه

،،،،،،، بستغرب ليه،،،،،،،

بقلمي/ خالد جمال ٣٠/١٢/٢٠٢٣

عرض الرؤى

معدل وصول المنشور: ٩

كل التفاعلات:

٢فهدالصحراء الجرئ وشخص آخر