شيخ منصر
البال عليه ومطوله
ومعاه ولا مقصّر
وكلامي لِيه بيأوِّله
على كيفه يتفسّر
اوصفله شوقي ولهفتي
ويقوللي ما تقصّر
ف عيوني سيل حنيتي
وف كلمه يستخسر
ليه مُصِر يسرق فرحتي
وف عمري بيقصَّر
يظهر غلطت ف نظرتي
وعشقت شيخ منصر
وليلاتي اداري ف دمعتي
على حالي واتحسّر
وعشان غرامه ف مهجتي
وف قلبي متأصّل
اخاف لو اشكي يصدني
من عشقي يتنصّل
ليه الغرام طبعه كده
ف قلوبنا بيكسَّر
وانا صبري طال فاق المدى
في ضلوعي بيكسّر
دانا كلي املي نظرة رضا
ويا ريتني دي محصّل
شيخ منصر
بقلمي/ خالد جمال ٣٠/١٢/٢٠٢٣
ليست هناك تعليقات:
إرسال تعليق