//////+++كون رزين+++//////
يالحرف تمهل كون رزين
خليك ف المحرك زوين
غير شد اطريقك وتمهل
ما تكون ف السربة كتهرول
معنى ياسيادي لولافي
ماشي صاحبي وصاحبتي
وشحال زوين للي درتي
كل واحد يشجع حبيبو
لاكن الحرف وافين تصيبو
ماشي غير جي وقول تبورد
فيق بكري تنعم وتورد
وانا على قدي كنقول
لحصيدة صابة ازرع وفول
مال لوجوه زربة تتغير
فيهم شلى وزيد تتخير
خلي الحرف يشفوه الاجيال
غير خلي الغربال لتغربال
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق