مجلة نداء الرؤح لفرسان الكلمات

 مُعاناه بقلم أحمد شاهين

فى أفلامنا القديمه

والجديده

نهاية أى فيلم

تكون سعيده

البطل يتهنى بالبطله

فى أخرها

ويبدئوا مع بعض

فى دنيا جديده

المشاهد والصور

هى الحقايق

والمشاعر لما يبقى

القلب رايق

والظروف تخلّق

كدا أحزان وليده

والحياه مش بس فيلم

ساعه وأكتر

الحياه دايما تخلى

العمر يكبر

وكل يوم نبدء معاه

صفحه جديده

أسره فيها زوج وزوجه

والولاد

التفاهم والمبادئ

والوداد

بير غويط وتلاقى فيه

أسرار عديده

كل واحد جوه

منه أمنيات

مهما نسعى راح

نلاقى العمر فات

فى أغنيّا وفينا ناس كدا

ع الحديده

البطل هو البطل لِسه

شيال الهموم

والحبيبه هى شمسه

مهما هتزيد الغيوم

يبتسم تبتسم

هما فرحه بتترسِم

رغم

دنيانا

العنيده

كلمات أحمد شاهين

عرض الرؤى

معدل وصول المنشور: ٢٠

كل التفاعلات:

١أحمد محمد أحمد شاهين